"Ұлы Жеңіс - ұрпаққа аманат" - дивертисмент кеші

• 0
• Оқылған саны: 1060

Жеңіс күні – сан мыңдаған ұрпақ үшін ұлы мереке. Биыл адамзат тарихындағы ең сұрапыл, жойқын соғыс - Ұлы Отан соғысы аяқталғанына 78 жыл толады. Бұл сол кездегі кеңес халқының ержүректілігі мен төзімділіктерін паш ететін, тарихта мәңгілік қалатын күн. Бұл мереке – бейбітшілік пен қайырымдылықтың мәңгі жасампаздығын, Отанын қорғаған жауынгер-солдаттар мен офицерлердің айбыны, тылдағы Жеңісті жақындатқан жұмысшылардың ерлік еңбектерінің мәңгі өшпейтіндігін дәлелдейтін белгі болып қалмақ.

Жеңіс күні – абыройымыз бен даңқымыздың мерекесі. Табандылық пен ерлік, Отанға деген сүйіспеншілік қатал соғыста Жеңіске жеткізді. Бұл күнді тек соғыс майданында ұрысқа қатысқан ардагерлер ғана емес, сонымен қатар майданға керекті оқ -дәрі мен азық-түлік жеткізуші тыл ардагерлері де тойлайды. Бірақ жыл өткен болашақ ұрпақтың бейбіт заманда өмір сүруіне бар үлестерін қосып, Отан үшін жас өмірлерін қыршыңнан қиюға дайын болған ардагерлеріміздің қатары сиреп келеді, әрине, бұл жайт көңілге қаяу салады.

Ешқашанда жауынгер ерлігі мен жеңісті еңбегімен соққан еңбекшінің ерен ерліктері ұмытылмайды. Тәуелсіз Қазақстанымыз аспаны әрқашан ашық болсын! Жұдырықтай жұмылған, білектей біріккен кеңпейіл Қазақ елі жасасын! Жеңіс күні құтты болсын!!!

05.05.2023жылы Кітапханамызда "Ұлы Жеңіс-ұрпаққа аманат" атты дивертисмент кеші өтті. Кеш қатысушылар: 2201А әскери бөлімнің сарбаздары мен "Мейірбике" колледжінің студенттері, "IQ" жекеменшік мектеп оқушылары қонаққа келді.Кешіміздің сәнін келтірген Абыл Тарақұлы атындағы өнер мектебінің оқушыларына алғыс білдіреміз. Жеңіс туралы әндер шырқалып,  бейнебаян көрсетілді. Кеш соңында кітап көрмесімен таныстырылды.